منہاج القرآن ویمن لیگ جہلم

خواتین ہمارے معاشرے کا جزو لانیفک ہیں ایک صالح اور پاکیزہ معاشرے کے قیام میں خواتین کا کردار بنیادی حیثیت رکھتا ہے اسلا م کی نظر میں امر بالمعروف و نہی عن المنکر مرد و خواتین دونوں کا فریضہ ہے۔ موجودہ دور میں باطل طاقتوں کے مسلسل فریب اور پروپیگنڈے کے ذریعے مسلم خواتین کو اسلام کی عظیم روحانی، اخلاقی اور انقلابی اقدار سے دور کیا جا رہا ہے۔ جو حقوق نسواں اور جدت پسندی کے نام پر معاشرے کی تنزلی کا باعث ہے۔ مغرب کے اس پوشیدہ حملے سے خواتین کو محفوظ رکھنا یقینا امۃ مسلمہ کی ذمہ داری ہے، اسلامی اقدار کی حقانیت کے یقین کو ختم کرنے کےلئے مغربی استعماری قوتیں پوری کوشش کے ساتھ مسلم خواتین کے رجحانات بدل کر میڈ یا کو خواتین کی تذلیل کا ہتھیار بنا رہی ہیں، لہذاموجودہ دور زوال کے درپیش چیلنجز کے پیش نظر خواتین کے کردار کی اہمیت اور انھیں ان کی ذمہ دار یوں کا احساس دلانے کےلئے منہاج القرآن ویمن لیگ کا قیام عمل میں لایا گیا تاکہ خواتین میں یہ شعور اجاگر ہو کہ اسلامی اقدار کا تحفظ ہی انکے تحفظ کی ضمانت ہے اسی صورت اصلاح احوال، احیائے اسلام اور تجدید دین کا خواب شرمندہ تعبیر ہوسکتا ہے۔

قیام

5 جنوری 1988ء ادارہ منہاج القرآن کے مرکزی سیکرٹریٹ میں مشن سے وابستہ خواتین کا ایک اجلاس منعقد ہوا۔ جس میں قائد انقلاب کی زیرسرپرستی مرکزی منہاج القرآن ویمن لیگ کا باقاعدہ اور باضابطہ قیام عمل میں لایا گیا۔اگرچہ خواتین کی ایک کثیر تعداد پہلے ہی سے تحریک کے عظیم مشن کے ساتھ شب و روز مصروف عمل ہو چکی تھی۔ اسطرح ملک بھر میں منہاج القرآن ویمن لیگ کی تنظیمات کا نیٹ ورک پھیلنے لگااور پھر 2 سال بعد ہی یعنی 1990 منہاج القرآن ویمن لیگ جہلم کا قیام عمل میں آیا۔

مقاصد

منہاج القرآن ویمن لیگ کی بنیاد جن مقاصد پر رکھی گئی وہ درج ذیل ہیں:

تعلق باللہ اور تعلق بالرسالت میں پختگی
مسلم خواتین کو ایک پلیٹ فارم پر منظم کرنا
خواتین کے اندر حقوق کا تحفظ اور فرائض کا احساس پیدا کرنا
خواتین کے اندر مصطفوی انقلاب کی ضرورت واہمیت کا شعور اجاگر کرنا
خواتین میں قوم و ملت کے مسائل اور تقاضوں کے حوالے سے احساس و شعور پیدا کرنا
خواتین کی عملی، فکری، روحانی، اخلاقی اور انقلابی تربیت کا مؤثر اہتمام تاکہ خواتین اس عظیم مشن کی راہ میں ضروری کردار ادا کر سکیں۔

شمولیت

آغاز کار میں ویمن لیگ کی ممبرشپ مخلص، رکن اور رفیق کے نظام کے تحت عمل میں آئی۔

مخلص کو تحریک کا تعارفی، دعوتی اور فکری لٹر یچر بھجوایا جاتا تھا۔ مرکز کی جانب سے رفیق خواتین کو ”ماہنامہ دختران اسلام“ بھی بھجوایا جاتا ہے۔

موجودہ ممبر شپ کو تین حصوں میں تقسیم کیا گیا ہے۔

وابستہ
رفیق
تاحیات رفیق

6000 روپے یکمشت ادا کرنے والی خواتین کو تاحیات رفیق کا درجہ دیا جاتا ہے اور باقاعدہ سند جاری کی جاتی ہے۔ 50روپے ماہانہ اور پانچ سو روپے سالانہ جمع کروانے والی خواتین کو ”ماہنامہ دختران اسلام“ بھجوایا جاتا ہے۔

موجودہ تنظیمی ڈھانچہ

12 مارچ 2014ء کومنہاج القرآن ویمن لیگ تحصیل جہلم کی نئی تنظیم سازی کی گئی جس میں درج ذیل خواتین کو تنظیمی اور انتظامی ذمہ داریوں پر متعین کیا گیا۔

صدر: صفیہ رفعت
ناظمہ یونین کونسل نکہ کلاں،ناڑا : بشریٰ عنایت، تسلیم اسلم
ناظمہ یونین کونسل داراپور: نیلم شاھین
ناظمہ یونین کونسل چوٹالہ : اقراء مطلوب
ناظمہ یونین کونسل سنگھوئی : فوزیہ طاہر
ناظمہ یونین کونسل کوٹلہ فقیر: صائمہ نورین
ناظمہ یونین کونسل سعیلہ: اسماء منور
ناظمہ یونین کونسل جادہ: مریم نعیم
ناظمہ یونین کونسل کالا گوجراں: طیبہ طاہر
ناظمہ یونین کونسل چک جمال: راحیلہ زین
ناظمہ یونین کونسل محمدی چوک : عالیہ نوید
ناظمہ یونین کونسل بلال ٹاون، بوکن: حلیمہ سعدیہ

کارہائے نمایاں

فروری 2012ء - منہاج القرآن ویمن لیگ جہلم کے زیراہتمام عظیم الشان سالانہ محفل میلادِ مصطفی صلی اللہ علیہ وآلہ وسلم کا انعقاد جس میں کثیر تعداد میں خواتین کی شرکت

منہاج القرآن ویمن لیگ جہلم

فہرست

قیام

مقاصد

شمولیت

موجودہ تنظیمی ڈھانچہ

کارہائے نمایاں

مزید دیکھیئے

ویب سائٹ

فہرست رہنمائی

مضامین تلاش کریں: