تحریک منہاج القرآن شرقپور شریف

شرقپور شریف میں تحریک منہاج القرآن کا کام 3 دہائیاں قبل شروع ہوا۔ اس وقت یہاں بہت سے منصوبے جاری ہیں۔

تاریخی پس منظر

تحریک منہاج القرآن شرقپور شریف کو اعزاز حاصل ہے کہ حضور شیخ الاسلام ڈاکٹر محمد طاہر القادری مدظلہ العالی نے اپنے اوائل دور میں دروس قرآن کے بعد جس پہلے عوامی اجتماع سے خطاب فرمایا وہ اجتماع شرقپور شریف میں ہی منعقد ہوا تھا جس کے لیے شرقپور شریف کے دو انتہائی معزز اور بزرگ تحریکی رہنماوں نے حضور قدوۃ الاولیاء سید طاہر علاوالدین القادری البغدادی رضی اللہ عنہ سے خصوصی ہدایات جاری کروائیں۔ ان معزز رفقاء کے نام جناب مبارک علی خان مرحوم اور حاجی محمد الیاس قادری ہیں جو حضور قدوۃ الاولیاء کے خاص مرید تھے۔

تنظیمی ڈھانچہ

موجودہ تنظیم

• صدر: حاجی عبد المصطفی قادری
• نائب صدر: چوہدری محمد رفیع رضا
• نائب صدر: اختر علی ملک
• ناظم: اقبال حسین ملک
• ناظم تربیت: میاں محمد صہیب سچیار نوشاہی
• ناظم دعوت: امجد پرویز ملک
• ناظم مالیات: حافظ محمد رؤف نعیم
• ناظم امور خواتین: آصف علی قادری
• ناظم ویلفیئر: شیخ ریاض شاہد

منہاج القرآن ماڈل ہائی سکول، شرقپور شریف

منہاج القرآن ماڈل ہائی سکول مقامی سطح پر ایک پرزور مطالبے پر 1990میں ایک کرائے بلڈنگ میں شروع کیا گیا۔ اس کے قیام میں بہت سے تحریکی رفقاء نے کلیدی کردار ادا کیا جب کے اس تعلیمی ادارے کو چلانے کے ذمہ داری چوہدری محمد رفیع رضا صاحب نے اپنے کندھوں پر لی جو اب تک اس ذمہ داری کو باحسن و خوبی سر انجام دے رہے ہیں۔ ان کے شانہ بشانہ جن شخصیات نے اس سکول کی ترقی میں کردار ادا کیا ان میں جناب اختر علی ملک، حاجی عبدالمصطفی قادری، شیخ جاوید احمد وغیرہ شامل تھے۔ شرقپور شریف کے پرائیویٹ تعلیمی اداروں میں منہاج القرآن ماڈل ہائی سکول ایک پرانا اور قابل قدر نام ہے جہاں سے اب تک ہزاروں طلباء فارغ التحصیل ہو چکے ہیں۔

آغاز میں یہ سکول آٹھویں کلاس تک تھا جسے علاقے بھر میں بہت پذیرائی ملی اور اس کے نمایاں رزلٹس نے عوام کی توجہ اپنی طرف مبذول کروا کر اسے علاقے کا نمبر ایک سکول بنا دیا۔2004میں سکول نے ہائی کلاسز کا بھی اجراء کر دیا۔ جس کے نتائج بھی قابل ستاءش ہیں۔

2003میں سکول کے پرنسپل اور مالک چوہدری محمد رفیع رضا صاحب کی شبانہ روز کاوشوں سے سکول نے تقریبا ۳ کنال پر مشتمل اپنی ذاتی بلڈنگ بن گئی جس کا ماڈل مرکزی سیکرٹریٹ کی طرز کا ہے۔

سکول کا ایڈریس مندرجہ ذیل ہے۔ منہاج القرآن ماڈل ہائی سکول دربار روڈ، شرقپور شریف فون:0562591673

خصوصیات

ماہانہ درس عرفان القرآن

شرقپور شریف میں ماہانہ درس عرفان القرآن کا آغاز فروری2007میں ہوا۔ ابتدائی پندرہ ماہ تک علامہ غلام مرتضی علوی صاحب نے درس دیے جنہوں نے علاقہ بھر کے لوگوں کو اپنا گرویدہ بنا لیا۔ ان کا انداز خطابت بلا شبہ سامعین کے دلوں میں اترتا ہے۔

مرکز پر اپنی گوناں گوں مصروفیات کے باعث علامہ غلام مرتضی علوی صاحب کو درس قرآن دینے سے فراغت حاصل کرنا پڑی ۔ اس کے بعد شرقپور کی عوام کی خوش قسمتی کہ درس کے لیے علامہ رانا محمد ادریس صاحب بنفس نفیس خود تشریف لانا شروع ہو گئے۔ جنہوں نے کم و بیش دس ماہ تک مسلسل دروس قرآن دیئے اور لوگوں کی خاص توجہ حاصل کی۔ بعد ازاں ان کی بھی مرکزی ذمہ داریوں کے باعث مقرر میں تبدیلی آئی لیکن اس مرتبہ بھی ایک نہائت دلفریب شخصیت سے مستفید ہونے کا موقع ملا اور وہ شخصیت علامہ محمد رضا قادری صاحب کی ہے۔ جو کہ ایک نوجوان سکالر ہیں اور اپنے نہائت دلپذیر انداز بیاں سے لوگوں میں ایمان کی حلاوت جاگزیں کرتے ہیں۔ اکتوبر2008تک 29دروس عرفان القرآن مکمل ہو چکے ہیں۔ جن میں حاضرین کی اوسط تعداد تقریبا700ہے۔ پروگرام میں ہر ماہ دو عدد عرفان القرآن کے نسخے بذریعہ قرعہ اندازی حاضرین میں تقسیم کیے جا تے ہیں۔ جبکہ مخصوص مواقع یعنی محرم الحرام میں دس نسخے ، ربیع الاول میں بارہ نسخے اور بڑی گیارہویں شریف کے موقع پرگیارہ نسخے بذریعہ قرعہ اندازی دیے جاتے ہیں۔

اب تک علاقہ کے مختلف مذہبی، روحانی اور علمی شخصیات پروگرام میں بطور مہمان خصوصی شرکت کر چکی ہیں جن کے نام درج ذیل ہیں۔

• پیر طریقت جناب سید افضال حسین شاہ صاحب محمدی سیفی (آستانہ عالیہ ریحان والا شریف)
• پیر طریقت جناب علامہ نور محمد نصرت نوشاہی (آستانہ عالیہ ہرنی شاہ صاحب)
• ڈاکٹر سید طاہر قیوم شیرازی
• ڈاکٹر عبدالرشید
• ڈاکٹر شیخ شوکت علی

ان دروس قرآن کے لیے نور محل شادی ہال شرقپور شریف کے مالک جناب عمران علی اشرف یعقومیہ اور مینیجر جناب ندیم طارق نے خصوصی تعاون کیا اور بلا معاوضہ ہال فراہم کیا۔ جس پر دعا ہے کہ اللہ رب العزت ان کی اس کاوش کو قبول فرمائے۔

شرقپور شریف کی تاریخ میں دروس قرآن کے نام پر اتنے بڑے اجتماعات کبھی دیکھنے میں نہیں آئے۔ لوگ جوق در جوق بالخصوص خواتین پروگرامز میں بڑی تعداد میں شرکت کرتی ہیں۔

اہم تحریکی شخصیات

• شیخ جاوید احمد
• حاجی عبدالمصطفی
• شیخ آصف علی قادری
• چوہدری محمد رفیع رضا
• اختر علی ملک
• جمیل اجمل ملک
• منیب الرحمن شیخ
• قاری محمد اویس
• محمد ندیم طارق
• پروفیسر عبدالوحید

اس کے علاوہ جن نوجوانوں نے اب تک تحریک کے مختلف فورمز پر نمایاں خدمات سر انجام دی ہیں ان کے نام درج ذیل ہیں۔

• اللہ رکھا چوہدری
• محمد عظیم
• محمد ارشد عابد
• محمد عمران خان
• ذوالفقار علی منہاس
• امجد پرویز ملک
• حافظ روف نعیم
• حافظ حسن طارق
• محمد سلمان یونس
• عدیل جاوید ملک
• محمد ابو بکر
• محمد عثمان غنی