تاثرات : جگر گوشہ حضور قدوۃ الاولیاء پیر سید عبدالقادرجمال الدین الگیلانی القادری

جون 2002ء میں مجلہ منہاج القرآن کو انٹرویو دیتے ہوئے فرمایا کہ آج سے کچھ عرصہ پہلے ادارہ منہاج القرآن کی پہلی اینٹ رکھی گئی اور بابا سیدنا طاہر علاؤالدین القادری الگیلانی وہاں ادارہ منہاج القرآن گئے تو میں بھی ان کے ساتھ تھا۔ یہ ایک خواب تھا کہ اسلام کا بول بالا ہو گا اور نبی کریم حضرت محمد صلی اللہ علیہ وآلہ وسلم کی تعلیمات کے فروغ کے لئے ایک اسلامک سنٹر بنے، بارہ تیرہ سالوں میں اللہ تعالی کا شکر ہے کہ ادارہ منہاج القرآن کے اس وقت تک ستر سے زائد ممالک میں اسلامک سنٹرز کھل چکے ہیں اور یہ بات واضح رہے کہ ادارہ منہاج القرآن ہمارے بابا کا ہے، میرا، میرے دونوں بھائیوں کا، یہ ہمارا ادارہ ہے۔ بابا حضور ہر جگہ فرمایا کرتے تھے کہ ڈاکٹر طاہرالقادری کے ساتھ رہو، ہمارے بابا کے مریدین اور معتقدین سن لیں کہ منہاج القرآن حضور نبی کریم صلی اللہ علیہ وآلہ وسلم کا بتایا ہوا راستہ ہے اور حضور غوث پاک کا بتایا ہوا راستہ ہے۔